اولا لازم نعرف مراحل النمو زي ماقسمتها ماريا مونتيسوري واللي فيها توافق كبير مع الكلام اللي ذكر في كتب و مناهج التربية الاسلامية ..

قسمت ماريا مراحل النمو الى ٤ مراحل:

(٠-٦)(٦-١٢)(١٣-١٨)(٨١-٢٤)

كل مرحلة من المراحل لها خصائص ومزايا فهمنا لكل نقطة في كل مرحلة حيخلي المرحلة دي تستغل وتستثمر على اكمل وجه وتمر بسلام.

اللي حنتكلم عنه اليوم المرحلة الاولى(٠-٦)والمرحلة الثالثة(١٣-١٨)لأنه لو فهمتهم مضبوط حأرتاح واريح طفلي ..

حنشوف ايش وجه الشبه بين المرحلتين:

في المرحلة من (٠_٣) الطفل يكون متمحور حول ذاته واناني يتعامل مع العالم كأنه مافي أحد غيره كل ما حوله مسخر له وهذه هبة ربانية علشان يركز في مهمته اللي هي تطوير ذاته والقيام بما يلزمه القيام به على أكمل وجه..تحسوا انه هذا الكلام خيالي؟ وفي كمية دراما ومثالية؟؟ابدا والله هذا كلام يكتب بماء الذهب لو فكرنا بأولادنا بدي الطريقة ايش تتوقعوا تكون المحصلة؟؟

انتم بس اتوكلوا على الله وتعاملوا معاهم من هذا المنطلق وخليكم على استعداد للاستمتاع بالحياة معاهم بعد كده.

طيب نرجع لموضوعنا يستمر الطفل بالنمو والتركيز على مهامه مع كااامل الدعم من الأهل او الرعاة عموما حتى يصل لعمر ١٢ عاما يكون قد استنفذ كل الفرص للتطور الى طفل مكتمل النمو.

ثم تبدأ المرحلة التي تليها (١٣_١٨)واللي نسميها مرحلة المراهقة ..

شايفين كل التعب اللي الطفل واهله تعبوه في ال١٢ عاما اللي فاتت والبناء الضخم اللي بنوه داخل هذا الطفل في اول ٣ سنوات من مرحلة المراهقة يتصدع تصدع كبيير..طيب ليييش؟؟

لأن تشكيلا جديدا سيبدأ بالظهور مختلف تماما عن السابق وهنا تتجلى مقدرة ورحمة الله سبحانه وتعالى ان هيأ لكل مرحلة مايناسبها تماما.

في هذه السنوات يرجع الطفل ذو الثلاثة عشرة عاما زي الطفل الصغير ذو الثلاثة أعوام وأقل فيكون متمحور حول ذاته …هش ..استعداده للمرض اكبر..ينام كثيرا ..حساسين (زي الاطفال في الثلاث سنوات الاولى)يحتاجون رعاية خارجية ولكن ليس من الوالدين.

كل ذلك بسبب التغيرات السيكلوجية والنفسية الكبيرة والمعقدة التي تطرأ عليه

علشان كده نرجع نأكد …فهمنا لخصائص كل مرحلة من مراحل النمو وتقديمنا للدعم اللازم في كل منها يخلي المرحلة تمر بسلام وهدوء علينا وعلى اطفالنا.